ولدي متعلق بالتلفزيون

ولدي متعلق بالتلفزيون بشكل غير طبيعي ما الحل ؟

ساعدوني بنات انا ولدي متعلق بالتلفزيون بشكل مو طبيعي ومو راضي يسمع الكلام ابدا او حتى يشوف اشياء مفيدة ، لما اجرب اجيب له فيديوهات مفيدة يعصب واول ما يقوم من النوم علطول يريد افتح له التلفزيون ايش اسوي تنصحوني في ايش ؟

خلود

متزوجة

guest
أدخلي إيميلك إذا أردتِ تلقي تنبيهات
37 تعليقات
Inline Feedbacks
View all comments
ريماس
ريماس

انا ولادى الاتنين كده 6 سنين و3 سنين ونص عملتللهم وقت للموبايل ساعه الصبح وساعه بالليل اوقات انشغل ويمسكوه وقت أطول بس افضل من الاول كانوا بيمسكو طول اليوم والله اوقات يقول لى احنا مش جعانين عشان ميسبهوش وقت الاكل هو ابتلاء والله ربنا يعينا ويهديهم وامنعيه منه حددى ليه وقت ومهما عيط ولا زن متسمعيش كلامه واثبتى ع موقفك ومع الوقت هيتعود وتابعى المحتوى الى بيتفرج عليه لو مش عاجبك قوليله لو جبت ده تانى هتتحرم من الفون بكره ونفذى العقاب ولو خلص وقته ورفض يديكى الفون عرفيه انك هتحرميه من تانى يوم ونفذى العقاب وبحزم هو هيتعبك فالاول وهيزن وهيعند استحملى وبعدين هيتعود وانتى هترتاحى عن تجربه والله بس لازم توجدى البديل هاتيله ورق يرسم ويلون يقصص ورق اقعدى العبى معاه بلعبه ربنا يهدى ولادنا جميعا ويقوينا

نورة
نورة

بنتي أربع سنين وكانت بدأت تمسكه كتير قولتلها عينك هتتعب وفعلا اشتكت منها قولتها من الفون وهتصحي الصبح هتلاقيهم مقفولين وقعدت اخوفها وكده الصراحه جابت نتيجه نوعا ما ربنا يهديهم

سارة
سارة

ابليكيشن اسمه safe vision في اليوتيوب حمليه و دخلي القنوات اللي انتي عايزاها و حددي الوقت اللي انتي عايزاه
و الغي اليوتيوب خالص من الفون
هينجبر يتفرج على دا
انتي هتختاري القنوات بنفسك و بعدين تخلي الابليكيشن على kid mode
مش هيعرف يفتح غير القنوات اللي انتي اضفتيها

مودة
مودة

انا ابني سنة ونص بقيت عاملة الموبايل صامت طول الوقت لانه لو سمع الموبايل بيرن بيجي جري وهاتك ياعياط وصريخ وزن عاوز ياخده بجد بقيت بستخبي ف الاوضه علشان اعمل مكالمه وطول اليوم لاعارفه افتح نت ولااكلم حد مابمسكش الموبايل غير وهو نايم ولما باباه بيجي الزن بيشتغل لو شافه بيرد ع الموبايل

سندس
سندس

استحملي زنه
حاولي تخرجيه وهو يومين او ٣ بالظبط والموضوع هيهدى المهم انتي حاولي تستحملي زنه ومش تطاوعيه

شيماء
شيماء

لا ويتشال حتي لو بكي ورمي نفسه في الأرض خديه واخرجي تعالي نعمل كب كيك تعالي نعصر برتقال استحملي شويه لغايه ماينسي
لو حطيتي ايدك علي دماغه حتلاقيه سخن وهو مركز معاهم
اسبوعين منع وحتحسي بالفرق بدل ماتدخلي في ليله كبيره اوي وتخاطب ومشاكل سلوكيه وأمور فوق طاقتك بمراحل
اشغليه بأي شئ وابعديه عن الهاتف

رقية
رقية

شيلي التليفون وبابا اخد التليفون بيصلحه
ومتطلعهوش قدامه خالص

منار
منار

امنعيه خالص هياخد كام يوم زن وعياط استحمليه وحاولي تخرجي بيه كتير في الكام يوم دول بس اوعي تضعفي وتديهوله وهوا خلاص هيتعود

رهف
رهف

لا يعنى لا و يتشال نهائي و تعملى بدائل جذآبة له و متخضعيش نهائي لعياطه و زنه أو تضعفى

إحسان
إحسان

الحل انك تمنعي عنه الموبايل خالص امسحي اليوتيوب وجوجل انا عملت كده وفضلت شهور علي كده وكان فين وفين عما نسمح بالموبايل ولحد الوقت ماسحه اليوتيوب من عندي

هالة
هالة

بصي انا اولادي كانوا كده وجبت لهم فيديوهات لعيال عندهم تشنجات وقعدت اوريهم وأمثل قدامهم اني بعيط و مفجوعه وخايفه عليهم انهم هيبقوا كده باقول لهم بلاش تتفرجوا كثير عشان دول اتفرجوا كثير وحصل لهم كده انا خايفه عليكم جدا الحمد لله اني لحقتكم الحمد لله
من ساعتها ب اسيبهم ساعتين في اليوم بس واول ما افكرهم بالمناظر دي يخافوا ويسمعوا كلام انتي شغليله نفس الفيديوهين واحد اسمه تشنج عبدالرحمن والتاني اسمه تأثير الجوالات على الاطفال

حور
حور

ابني برضو كدا وللاسف للاسف احنا اللي ابتدينا من لأول بس فعلا كان غصب عني في الاول بعد كدا ابتديت اقلله لكن للاسف الاب بيضعف فبقي بيلجأ للاب عشان عارف اني حازمة
لحد اما زهقت وطبعا عشان عارفة مخاطره فسعات براقبه واكون جنبه وللاسف فعلا بيطلع للولد حجات كرتون سيئة فعلا شخصيات كارتون عارية من عند العورة وبياخدوا حقن ????????????
وغير عائلة زفت دي برضو الحقوني ياولاد انا بولد هاتولي الإسعاف وكل ده ابني مش متابعة ده بيطلع بالصدفة ده غير برضو الاعلانات اللي بتطلع من غير تحكم طبعا من ضمنهم العربية اللي بتدوس علي الاكل والعصائر والفاكهة
فبقالي فترة منعت خالص اليوتيوب ده ونزلت ابليكشنات فيها العاب مفيدة وواحدة واحدة أن شاء الله عقبال حتي الألعاب بس مش هينفع اخليه يقطع مرة واحدة عشان هو لحد دلوقت زهق وعايز يفتح اليوتيوب بس اسال الله ان لا أضعف ونستمر
بجد بجد اليوتيوب ده بالذات دمار دمار دمار
حسبنا الله ونعم الوكيل
وطبعا كمان في ابليكشن العاب مدمرة فيها عنف والمغزي منهم دمار الطفل وحثه ع العنف وفيها دم
فلازم تسألي مجرب وربنا يحفظنا ويحفظ ولادنا

ريم
ريم

اشغليه في رياضه يمارسها

ايمان
ايمان

ابني كان كده الفون باظ وراح يتصلح من يومها بقاله سنه مقتنع انه لسه بيصلح ومجاش وعند الراجل ونساه فعلا كان مدمنه بطريقه رهيبه
الوقتي ممكن نبينه بس ع اننا اخدينه من حد في البيت مش بتاعنا

وردة
وردة

الموضوع خطير جداً
متستسلميش أولا يعني
وحاولي تلهيه في أنشطة حية زي أنه يلعب مع أصحابه أو قرايبه في الواقع وخليه يستكشف البيئة حوله والغي حاجة اسمها التليفون من حياته بالتدريج السريع
الله يعينك، الله يعينك

زينب
زينب

لا يعني لا .. عيط بهدل عمل لا يعني لا ..
يحيى اربع سنين ونص .. بقوله لا لأنك بتتفرج ع حاجات وحشة وبتقلدها وبتغضب وتخرب البيت ووفرت بدائل اشتريت ألعاب، وبيروح يلعب عند جدته، وبينزل يلعب في الرمل عند ورشة باباه وقدام عينه، بيتفرج ع الكمبيوتر ع اللى انا عاوزاه وهكذا
وان شاء الله اوديه يلعب رياضة

منال
منال

الموضوع عايز معافرة ومجهود ووقت هو بيعمل كده عشان مفيش بديل مش من حلاوة الموبايل مفيش حد يلعب معاه مفيش حضانة مفيش نادي مفيش أنشطة زي مثلا انك توديه ياخد كورس ولا يتعلم رسم ولا يحفظ قرآن لو معندكيش بيبي غيره معطلك عافري واعملي كل ده عشان مايمسكهوش لو معاكي بقا مش هقدر اقولك غير قللي الوقت ع قد ماتقدري لانه مستحيل لو معاكي بيبي تحت سنتين تملي فراغ طفل اكبر منه للأسف خاصة لو محدش بيشيل معاكي النونو
انا نفسي اعمل كده مع بنتي اوي بس مش عارفة للأسف يدوب بوديها حضانة وبقعد معاها شوية كل يوم عشان ابني رضيع وواخد كل حياتي وبيصحيني في وقت نومها

عبير
عبير

بصي أنا ابني كان كده بس لغيت التليفون خالص والتلفزيون كمان وهيقعد كام يوم كده صريخ وإنهيار وأعراض إنسحاب بس انتي قوي قلبك وخليكي حنونه معاه وحاولي تشغليه باللعب وقصص وأنشطه وكده وبعدين هيستسلم وبعدها بفتره ممكن تسمحيله بيهم بس تخلي قوانين واتفاق يلتزم بيه يعني التليفون ربع ساعه بس كل يوم التلفزيون يوم واحد في الأسبوع ساعتين مثلا ويبقي عارف إنه استحاله مهما عمل هتسمحي بالتجاوز زياده عن كده

مروة
مروة
ردًا على تعليق  مروة

ثانيا ممكن وانتي جايبه الطماطم او الخيار او اي فاكهه ، ممكن تقوليله تعالي نعد كام حباية طماطم جبناها ، وهيبدأ ف العد كمان شوية تفتكر هنعرف نرسم الطماطماية بتاعتنا ، طب انا عندي لعبه حلوة ليك ، ايه رأيك لو انا كتبتلك رقم ع الورقة زي رقم 5 وانت بعدها ع طول تجمعلي 5 العدد اللي انا كتبتهولك من الطماطم ، مش شرط طماطم ممكن كور ممكن اي حاجه متوفره
و ف لعبة اسمها بولينج كنت جبتها من صحابتي وجربتها مع الأطفال ف الروضه كانوا متفاعلين جدا وكانوا حابين اللعبه بشكل متتخيلهوش ، العبي معاه وشاركيه واحضنيه وكل حاجه ، هو ف امس الحاجه ليكي ، انا عارفه انك مشغوله اكيد ف حاجات تانيه بس فضيله وقت هو يستحق انك تكوني جنبه
احكيله عن الإسلام وانا ف الحضانه كان ف بنت مش عارفه هي مسلمه ولا مسيحية ????

مروة
مروة

بصي انا هتكب بسرعه ف اعذريني لو كتبت غلط ????
اولا لازم بديل ، هو بيحب التليفون علشان هو اكتر حاجه شاغله فراغه ولاقي نفسه فيها… تفتكري في حاجه في حياته لقى نفسه فيها ورفضها ؟
انا شايفه ان حضرتك ليكي دور كبير وانتي مش واخدة بالك ولازم تهتمي بسنه وتشاركيه ف كل حاجه ف حياته ولكن من نوع خاص ، هقولك بعض الأمثلة اللي بدرسها
اولا انك تجيبي قصص وتحكيهاله ، مش قصه ف الموبايل ولا قصه مصورة ، لا قصه مطبوعه وملونه والوانها جذابه ، اشتري مجموعه من القصص ، وكل يوم هتحكيله قصه مختلفه ، وانتي بتشتري القصص هتشوفي البطل فيها ولنفرض البطل قرد او اسد ، هتجيبي من جوجل صورة قرد او اسد وتطبيعها ابيض واسود ومطلوب منه انه بعد لما يفهم القصه وتحكيها ، انه يعيد سردها ليكي ويحكيهالك تاني ، ثانيا انك تخليه يلون الصورة اللي انتي طبعتيها اللي هو بطل القصه ، ثالثا انه يرسم اكتر شخصية عجبته ف القصه وبكدا الموضوع هيكون مفيد جدا ليه ونميتي مهارة التليون واختيار الالوان المناسبه ، لانه مثلا مش هيروح يلون القرد باللون الاحمر او النبيتي ، لا هيختار لون القرد المناسب هتنمي عضلات ايده ، بيرفه عن نفسه استفاد معلومه ، ولكن طبعا مينفعش انك تحكيله القصه من الموبايل ، لاننا عملنا دا علشان نشغله عن الموبايل ♥️

الاء
الاء

انتي نفسك اللي خايفة من الخطوة دي و حاملة همها اوي
انا كنت زيك بالظبط
بس يوم بعد ما ناموا شيلت التابلت في اعلى رف في الدولاب و اصلا كان محتاج يتشحن…سبته عشان يفصل عشان احط نفسي اكتر و اكتر قدام الامر الواقع…الطفل بيدور على حاجة تسليه بالذات لو فيه اخوات
لو مفيش اخوات يبقي هاتيله بدايل…لازم تقدميله بديل يسليه و لطيف
حضري قبل ما تعملي الخطوة دي…جيبي كام قصة عشان تحكوها سوا
على لعبتين جداد…واللعب اللي عنده هتلعبي بيها معاه شوية…أكنك بتفطميه من الموبايل ف بتلهيه بحاجات تانية…و فيه والله العاب سهلة جدا و بمكونات في بيوتنا كلنا

مها
مها

بصي لو حكمت أكسري الموبيل قدامه
خلاص التعلق بقي مرضي عند الاطفال
مش هتيجي بالتدريج أبدا والله عن تجربه
هي مره واحده كده
وتقولي له يوم الجمعه فقط وساعة واحده بس

هبة
هبة

فيه حل عملته مع اخويا وجاب نتيجه خليه نايم وحطي تحت عينه ايشادوا اسود واول ما يصحي قوليله ايه دا هيخاف طبعا وقوليله دا من التليفون هو بنفسه مش هيسمعه تاني????????????التليفون والتليفزيون بيخلوا المهارات عند الاطفال تكاد تكون منعدمه

سهيلة
سهيلة

اسحبي منه التليفون هيعيط يومين ولا حاجه بس هينساه لو ليه اخوات او اولاد عم خليه يلعب معاهم جيبيله العاب تعليميه يستفاد منها التليفون هيخلي الادراك عنده ضعيف هتلاقيه دايما مشتت ومش مركز وف الدراسه هيتعبك جدا جدا

لولو
لولو

خبي الموبايل تماما + اشغليه ألعاب تمارين خروج اي حاجه يطلع طاقته فيها

مريم
مريم

د مصطفى ابوسعد قال طالما تحت ال١٠سنين تمنعي مره واحده الإلكترونيات
فوق ال١٠ يتمنع بالتدريج

نور
نور

جهزي لسته بدايل واشغلي وقته وباله وعقله
وقنبلة مشاركة ????????
وبوظي التلفزيون

نرمين
نرمين

نزليه نادى

تسنيم
تسنيم

لو الموبايل باظ .. هتروحي تشتري غيره عشان ابنك عايز وبيعيط !؟ اكيد لا ..
اعتبريه باظ و خبيه و حطي الخط في موبايل قديم بزراير لفترة و لو فيه امكانيه كل يوم اخرجوا اتمشوا لمكان و يرجع تعبان فهينام و اعملي أنشطة والعبي معاه أنشطة حركية و هاتي سبورة والوان يلون عليها

رحمة
رحمة

نقطة ضعفك انه بيتعصب،، شيلي التلفون واعملي حسابك انه اسبوع ممكن يعيط بالساعات بس في النهايه كلامك اللي هيمشي

وفاء
وفاء

امنعي التليفون ولازم يكون له وقت محدد
اشغلي وقته بالرياضة والانشطة

جهاد
جهاد

لازم تمنعيه بجد اكبر غلط ابنى كان كده وبدات اقلل تدريجي وبعدين منعته وفعلا مش بيتفرجوا غير على حاجلت مقرفه وحد قالى انه عند سن ٦ سنين بيبقي مخه اتملى مش هتعرفى تضيفي اى حاجه ليه واتملى من العادات والسلوكيات الغلط بتاع الاجانب والفيديوهات اللى ملهاش لازمه لازم لازم تمنعى هيعيط شويه ويسكت جمدى قلبك وقللى مسكه ف ايدك عشان خاطر ابنك

رضا
رضا

اعمليله عجينة ملح وقوليله اعمل اشكال اعملي انتي دواير ومربعات وهو يعمل زيك الاطفال بتحب العجينه احسن من الصلصال جربي هيتلهي فيها شويه

حسناء
حسناء

تمنعيه منع جزري واتحملي يومين عياط وصريخ وشقاوة ولازم تاخدي خطوة الله يعينك وتحاولي تاخديه وتنزلي تجيبو حاجة حلوة ومرة لعبة مكعبات أو بزل الموضوع محتاج مجهود شوية بس هتلاقي نتيجة كويسة واه اهم حاجة في الفترة دي انتي كمان متمسكيش التليفون الا للضرورة وطول اليوم التليفون بعيد عن ايده وعينه

اسراء
اسراء

نزليله لعبه حلوه مناسبه لسنه يلعبها واقفلي الفيديوهات خالص اعملي اليوتيوب بباسورد ومتديلوش الموبايل غير ساعه واحده وشويه وامنعيه خالص حتى لو عيط وعمل البدع انا قفلت اليوتيوب وبنتي بتنزل لعب تلعبها شويه وتزهق وتمسحها وتنزل غيرها بس مبقتش بتطلب تمسكه زي الاول

هدير
هدير

بلاش الموبايل خالص اخفيه أو افصلى النت عنه
لو حابه تسمعيه حاجه شغليله ع الشاشه لو سمارت أو وصليها باللاب ووصلى النت باللاب وشغلى من اليوتيوب اى قنوات انتى حاباها وانتى اللى تتحكمى
خلى بالك الموبايل والتاب والشاشاشات القريبه عموما بتعمل ضعف نظر
ربنا يحفظ أولادنا ويهديهم يارب

رضوى
رضوى

اصحي من النوم افصلي النت عن التليفون وامسحي اي كرتون ع الموبايل وحاولي تجيبيله العاب جديدة يتشغل بيها وقوليله النت راح فصل خلص اي حاجة ومتمسكيش الموبايل قدامه عشان هيشبط فيه

أضيفي مناقشة جديدة

    37
    0
    شاركي بتعليق جديد على هذه المناقشةx
    ()
    x