وصفات لعلاج تعرق اليدين
اتخلصي من تعرق اليدين واليكي وصفات لعلاج تعرق اليدين
عاوزه وصفات لعلاج تعرق اليدين انا من الناس اللي ايدي بتعرق بزياده ودا بيتسبب لي احراج في السلام على حد, وبتضايقني في الكتابة او السواقة او لمس اي حاجة بشكل عام اتصرف ازاي؟؟
ايثار
مناقشات أخرى
أضيفي مناقشة جديدة
دي بتبقي هرمونات على فكره صاحبتي كانت كدا
ممكن تستخدمي خل التفاح
لان خل التفاح بيعمل توازن لمستوى الرقم الهيدروجيني في الجسم, وكمان يعتبر قابض طبيعي وبالتالي هيسيطر على التعرق بشكل فعال لانه بيساعد على تصغير المسام.
1 انقعي منديل ورق في كمية من خل التفاح وامسحي بيها ايديكي, كرري العملية دي اكتر من مرة في اليوم.
– في طريقة تانية اخلطي كميات متساوية من خل التفاح والمية وانقعي ايدك فيها لمدة 5 دقايق وبعدين اغسليها بالمية والصابون.
– او ضيفي 2 معلقة صغيرة من خل التفاح لكوباية مية دافية, وضيفي لهم شوية صغيرين عسل نحل, واشربيه مرة واحدة في اليوم.
يعتبر الشاي العادي اللي احنا بنشربة كمان من العلاجات اللي ممكن نستخدمها لمنع العرق, لان حمض التانيك اللي موجود في الشاي بيحتوي على مضادات العرق وخصائص قابضة بتساعد على السيطرة على افرازات الغدة الدرقية وده بالتالي بيساعد على منع الغدد من انتاج عرق زيادة.
– فهتجيبي كيس شاي رطب يعني بعد ما تستخدميه وتعملي بيه الشاي استخدميه على ايدك امسكيه في ايدك لمدة دقايق كل يوم, او تمسحي بيه على الايد.
– او ممكن تحطي من 3 – 4 اكياس شاي في طبق كبير فيه مية سخنة, وسيبيه منقوع لمدة 5 دقايق, وبعدين انقعي ايدك فيه لمدة 30 دقيقة, كرري العملية دي يوميا.