نظام الدايت النباتي
نظام الدايت النباتي لانقاص الوزن الزائد
انا سمعت من بنات عن نظام الدايت النباتي Plant based diet ودا من انواع الدايت اللي ظهرت بقالها فترة وبيقولوا انها محقفه نجاح كبير في انقاص الوزن حد جربه فيكم وكان ايه النظام بتاعه؟؟
هايدي
مناقشات أخرى
أضيفي مناقشة جديدة
ميزه النظام ده غير انك هتخسري وزنك هتحافظي على صحتك من امراض كتير جدا وهيحسن شكلك وصحتك بشكل عام وهيأخر علامات السن والشيخوخة وهيخليكي تباني اصغر من سنك, ده غير انه بيحسن النفسية جدا لان الاكل ليه تأثير كبير على الصحة النفسية وبما اننا هنمشي على نظام اكل صحي فده اكيد هينعكس بشكل ايجابي على نفسيتنا.
و كمان الميزة في الدايت ده انه ينفع اي حد ومن جميع الاعمار يعني ينفع الحامل واللي بترضع لان عدم شرب اللبن مش هيأثر على الرضاعة زي ما هو منتشر اهم حاجة تكوني بتشربي كمية سوايل كتير وبتاكلي اكل صحي وبتاخدي كل الفيتامينات اللي لزماكي وده متوفر في نظام الدايت النباتي, ومناسب جدا للاطفال كمان ده هيحميه من السمنة اللي بتحصل لاطفال كتير وهتحافظ على جسمه لحد ما يكبر وهتحميه من الامراض.
فعلا من الانظمه اللي جابت نتيجه معايا وبنفس الوقت ماثرش علي شكل وشي
الاختيرات اللي ممكن تاكليها
بالنسبه للفطار:
ممكن فول, طعمية, بطاطس مسلوقة, بطاطس مسلوقة او مشوية, باذنجان مشوي, سلطة خضرا, شوفان عليه فاكهة وغيرها من الحاجات المسلوقة او المشوية من غير اي زيوت او دهون.
اما الغدا:
ممكن ارز مسلوق او بالخضار, مكرونة مسلوقة او بالخضار, بطاطس في الفرن, مسقعة, محشي, كشري, عدس, بصارة, بقوليات مطبوخة زي اللوبيا والفاصوليا والبسلة وغيرها, شوربة خضار.
لكن السناكس بتبقي عباره عن:
مكسرات, فشار, بطاطا, سلطة فاكهة, ترمس, حمص الشام, والسلطات بجميع انواعها زي السلطة الخضرا, سلطة الحمص, بابا غنوج, بطاطس مسلوقة بالثوم وغيرها من السلطات.