قوام العجينه
ازاي اظبط قوام العجينه المظبوط في المعجنات ؟
السلام عليكم ورحمة الله وبركاته انا عندي مشكلة في المعجنات، مش عارفه قوام العجينه بيكون ازاي و المعجنات بتطلع مكتومة وكأنها عجين بتنشف جامد، بتتحرق من تحت وتنشف، ومن جوا مكتومة اعمل ايه
يسر
مناقشات أخرى
أضيفي مناقشة جديدة
اختبري لعجينه وحطي وكل شويه زودي بالراحه عشان ما تزوديش مياه كتير فتحتاجي دقيق وترجعي تزودي دقيق كتير فتحتاجي مياه اول ما العجينه تسيب من ايديك يبقي كدا القوام مظبوط
بصي الخميره لازم تكون نوع كويس وتجربيها قبل ما تشتغلي بيها
كمية الخميره تكون مناسبة لكمية الدقيق
السائل اللي هتعجني بيه ماينزلش سخن عشان ما يموتش الخميره ولا ساقع فياخد وقت طويل. يكون فاتر
الخبز في صواني فاتحه مش غامقه
تسخني الفرن قبلها ب 10 دقايق عشان ماتطولش في الفرن لو طولت هتنشف منك
العجين نفخ وتمام وخد لون من تحت افتحي الشوايه لو ما خدش لون من فوق
وماتفضليش تفتحي وتقفلي في الفرن كتير والعجين جوه عشان سطحه مايبئاش مكرمش
اهم حاجه بئا اول ما يطلع من الفرن حله حلوه كده تكون محكمة الغلق وتفرشي فوطة صغيره نضيفه تحت وحطي اللي طلع فيها واقفلي عليها وسيبيه يهدا
وان شاء الله يظبط معاكي يا قمر
مع الوقت بنتعلم
اهم شئ في المعجنات الخميره لانها هي اللي بترفعها وتخلي المعجنان
طريه وهشه من جواء
والمراحل مهمه برضوا انك تسيبي العجين يتخمر وبعد كده تشكليه وتسيبيه تاني يرتاح اشياء مهمه
الفرن بقي هو اللي بينشف المعجنات حاولي تظبطي الحراره وتخلي بالك من الوقت