فاتورة التليفون الارضي

فاتورة التليفون الارضي الأخيرة وطريقة دفعها

فاتورة التليفون الارضي كل شهر بتطلع وكتير بنسى أدفعها ومش بعرف أوصل بسهولة لتفاصيل فاتورة التليفون الارضي والنت وبسبب كدا ممكن الحرارة تنقطع أو النت يفصل ويكون دا كله بسبب اني نسيت أدفع فاتورة التليفون فلو ممكن تقولو لنا كدا بالتفصيل ايه هي الطريقة اللي نعمل بيها استعلام عن فاتورة التليفون الارضي وايه طريقة دفع الفاتورة ولو في حد جرب طرق مختلفة لـ دفع فاتورة النت والتليفون وايه هي المدة المحددة اللي ممكن شركة الاتصالات تفصل بعدها الخدمة عن خط التليفون الارضي أو النت ولو ممكن تنصحونا من خلال خبرتكم إذا في شركة افضل من الشركة المصرية للاتصالات

سعاد محمد

ربة منزل، الدقهلية

guest
أدخلي إيميلك إذا أردتِ تلقي تنبيهات
6 تعليقات
Inline Feedbacks
View all comments
ندى ابراهيم
ندى ابراهيم

هما بصراحة مسهلين خالص موضوع اننا ندفع لهم الفاتورة دا
يعني مفيش اسهل ولا اسرع من كدا 😀
عادي تقدري تدفي الفاتورة أون لاين عن طريق موقع we
وكل خدمات الدفع بقى بتوفر انك تدفعي من خلالها الفاتورة سواء فودافون كاش ومصاري وسداد وأمان وخدمات فوري او ماكينات البنوك الاهلي أو cib
او تعدي بقى على السنترال نفسه

نيرة
نيرة

في طريقة أنا شخصيا بستخدمها عشان الشركة المصرية للاتصالات تبعت لي بالتفصيل الملل فاتورة التليفون وايه الارقام الي اتصلنا عليها واستخدام الانترنت وكل حاجة
والفاتورة المفصلة دي بتوصلني شهريا على الايميل وممكن اطلب انها توصلني عن طريق الفاكس
الخدمة دي اشتركت فيها عن طريق الاتصال برقم 111
بس بياخدو على الخدمة دي رسوم تقريبا 2 جنيه كل شهر

غادة رضا
غادة رضا

لو اتصلتم على 19777 تقدروا تستعلموا منه عن الفاتورة

شهد أمير
شهد أمير

عشان الاستعلام عن فواتير التليفون الارضي وخط النت في رابط مخصوص وسهل جدا
ونقدر نستعلم عن الفواتير برقم التليفون الارضي او برقم الحساب
يعني بس مجرد ما نكتب مفتاح المحافظة ورقم التليفون بيطلع لنا الفواتير
ف الرابط دا
https://billing.te.eg/ar-EG

ليلى
ليلى

بصي هو مواعيد صدور فاتورة التليفون الارضي للمصرية للاتصالات عموما تقريبا ثابتة وهي بتكون كالتالي
بيتم اصدار فاتروة التليفون الأرضي يوم 15 من كل شهر
والشركة المصرية للاتصالات بتدي شهر سماح للسداد
وبعد الشهر دا بيتم منع إجراء المكالمات من الخط الارضي دا لكن بيكون الخط بيستقيل اتصالات عادي ومعاه فترة سماح شهر كمان وبعد كدا بقى بيتم قطع الحرارة عن الخط الارضي
يعني باختصار بعد صدور فاتورة التليفون الارضي بشهرين لو متمش دفع الفاتورة بيقطعو الحرارة

منار
منار

هو الموضوع ممكن يكون بسيط لو عملتي تنبيه على الموب بمواعيد صدور الفاتورة الشهرية لأنه فعلا مع زحمة المواعيد والحجات الكتير اللي في حياتنا كل يوم في مواعيد كتير بتسقط

أضيفي مناقشة جديدة

    6
    0
    شاركي بتعليق جديد على هذه المناقشةx
    ()
    x