طريقة حفظ الثوم بالزيت
مين جربت طريقة حفظ الثوم بالزيت لمدة طويلة
يابنات انا سمعت عن موضوع حفظ الثوم بالزيت وعايزة اعرف الطريقة بالظبط من حد جرب جربها قبل كدا ونفعت معاه وهل طريقة حفظ الثوم بازيت هي الأفضل ولا في طرق تانية أحسن منها لحفظ الثوم لمدة طويلة
مروة
مناقشات أخرى
أضيفي مناقشة جديدة
حفظ الثوم في زيت الزيتون اصلا طريقة ايطالية وفعلا جميلة
والاجمل من حفظ الثوم اننا بنستخدم الزيت اللي محفوظ فيه الثوم وبيكون طعمه جميل جدا وهو متشبع بطعم الثوم
ممكن نحطه على السلطة وممكن نعمل بيه الصلصة
بصي هي الطريقة سهلة جدا
هتقشري الثوم
وممكن تقطيه او تسيبيه زي ما هو فصوص
وهتجيبي برطمان نظيف
وتحطي فيه الثوم المتقشر
وبعدين تضيفي عليه زيت زيتون أو زيت دوار الشمس بحيث ان الزيت يغطي الثوم خالص
وممكن تضيفي عليه أي اعشاب طبيعية زي الزعتر أو ورق لاورا او روزماري
وكمان ممكت تضيفي فلفل اخضر
وتقفلي على البرطمان وتسيبه في درجة حرارة معتدلة
طريقة حفظ الثوم بالزيت هي طريقة سهلة جدا وجميلة وبتحافظ على الثوم زي ما هو بدون تغيير
والجميل انها طريقة طبيعية بدون اي اضافات مضره
انا بخزنه عادي بقشره واحطه ف برطمان ناشف كويس واعينه ف الفريزر او ف اكياس بيطلع حلو اوي كانه فريش