تسخين الطعام بدون ميكرويف
تسخين الطعام بدون وجود ميكرويف بطريقة سهلة
هل في طريقة سهلة لـ تسخين الطعام بدون ميكرويف لأن احنا ساكنين في بيت الطالبات عشان الجامعة ومفيش عندنا ميكرويف وبيكون عندنا الطعام مجمد ومش بنعرف نسخنه كويس أو ممكن نحرقه وهو لو عملنا له تسخين على البتوجاز، بما ان مفيش ميكرويف ما هي طريقة تسخين الأكل من غير ميكرويف وبدون ما يحترق
جوري
مناقشات أخرى
أضيفي مناقشة جديدة
هاتي حلة أو طاسة غويطة
حطي في الحلة مية لحد ربعها مثلا
حطي فوق الحلة مصفة بتاع المكرونة أو أي مصفة حديد أو استالنس تكون على قد الحلة من فوق وتثبت عليها بدون ما المية اللي في الحلة تكون واصلة للمصفة
حطي الاكل المجمد في المصفة وممكن تغطي عليه
اخر حاجة شغلي النار عليهم وربع ساعة بالكثير اوي هتلاقي الاكل بقى كأنه لسه مستوي
الطاسة التيفال حلوة جدا وبتنجز بصراحة والحاجة مش بتلزق فيها
شوية مية او زيت ونحط فيهم الاكل على نار هادية خالص ونوطي عليها
وطبعا يفضل ان الاكل يكون مش مجمد
يعني تكونوا مطلعينه من بدري
من الصبح مثلا قبل ما تخرجوا للجامعة
لو قدرتوا تعملوا اكل طازه كل يوم احسن من التسخين والله ويكون على القد او لو مضطرين سخنوا على البخار بقى وربنا معاكم
ممكن تسخني الأكل على البخار
بيكون جميل جدا وكأنه لسه طازج
الطريقة :
لما الأكل يفك من الثلج حطيه في مصفاة فوق حلة فيها مياه
وحطي الحلة على النار لغاية الأكل ما يتسخن