صن بلوك بيو بالانس
ما هي تجاربكم مع صن بلوك بيو بالانس واقي الشمس
يا بنات مين جربت صن بلوك بيو بالانس اللي هو واقي الشمس وهل هو ينفع لاي نوع من أنواع البشرة ولا ايه وهل في انواع احسن ولا بيو بالانس كويس ؟
هنادي
مناقشات أخرى
هو مقاوم للماء ودي حاجة لطيفة للناس اللي بتصيف بس ضروري يتجدد بعد خروجك م الماية ولازم يتحط قبل ما تخرجي بربع ساعة ولو بتحطي ميكب بيتحط قبله طبعا وتخليه ياخد وقته البشرة تمتصه.
بستخدمه بقالي ٣ اسابيع كل يوم في اوقات مختلفة بالنهار وده اللي خلاني احكم عليه فى مدة نوعا ما قليلة ..وحبيته وبفكر اجيب تاني او اجيب الـلوشن? واشيلهم للشتا عشان عروض الصن بلوك قليلة في الشتا
النوع ده الكريم المفروض انه للبشرة العادية والجافة وفي نوع ميلكي للبشرة الدهنية والمختلطة
هو قوامه خفيف زي اللوشن بصراحة مش كريم تقيل .
مش بيسيب اثر خالص اللي هو لون ابيض كده زي ما بعض كريمات الصن بلوك بتعمله .
في الحر جامد شوية بيعرق ..انا جربته في اوقات كتير من النهار . وساعات
بثبته ببودر عشان حكاية العرق وشوووية اللمعان .
ده 50+spf ودي نسبة الحماية اللي المفروض نجيب الصن بلوك على اساسها .
صن بلوك بيوبالانس هي شركة تركية و منتجاتها بتحتوي على مواد طبيعية واهم حاجة خالية من الباربين ومشتقات البترول وزيوت البارفين والفورمالدهيد وكيميكالز كتير تأثيرها سلبي ..ودي حاجة شجعتني أنا اجرب باقي منتجاتها ?
كان في عرض في صيدلية العزبي من فترة بتاخدي صن بلوك وعليه واحد هدية ب١٥٠ والعرض ده موجود دلوقتي برضو بس ب١٥١ ونص تقريبا .