زواج
زواج العانس هل سيكون لي فرصة للزواج بعد سن 30 سنة
كمان شهر هكون كملت 30 سنة بدون خطوبة أو زواج كدا أنا عنست ومش هيكون ليا فرصة اني اتخطب أنا فقدت الأمل وخايفة بجد من أكبر وأعجز بدون زواج أو أولاد وزوج أعيش معاه وأركن عليه وحاسة جدا بالضياع وقلة الحيلة
الهام
مناقشات أخرى
أضيفي مناقشة جديدة
خدي بأسباب الزواج وباذن الله هتتزوجي قريب
أهم سبب في ايدنا عملي للزواج هو العمل والنجاح فيه
اجتهدي انك تكوني بنت ناجحة ومميزة في مجال ما
كل يوم بتخرجي وبتختلطي ببشر وبتزيد علاقتك ومعارفك ونجاحك في عملك وتميزك فيه
مع اهتمامك بنفسك
ولازم تكوني محددة بالظبط مواصفات شريك حياتك اللي بتبحثي عنه
لازم يكون عندك أساسيات لا تتنازلي عنها
وأخر حاجة ادعي ربنا كثير كل يوم
ادعي ربنا كل صلاة وكل سجدة
ادعي ربنا في قيام الليل
ادعي ربنا يرزقك زوج صالح مصلح ويكون سبب سعادتك في الدنيا والآخرة
وباذن الله هتتزوجي قريب 🙂
33 سنة ولا اتخطبت ولا اتجوزت ولا أي حاجة وايه يعني ما نتخطبش
مش معنى ان الوواحد متجوزش يكون كدا ناقص جمال وأخلاق أو دين
يمكن في الجواز يكون في تعاستنا أو يكون مصيبة! وربنا بيبعده عننا
ما تخليش فكرة الجواز تموتك بدري ونصيحة انا زيك ومجربة كل حاجة اشغلي وقتك وماتديش عقلك فرصة يفكر في الجواز ربنا يرزقك باللي يهنيكي ياحبيبتي
ياما بنات وبس قعدوا شهر مع ازواجهم واطلقوا وبهدلوا بعض في المحاكم واتجوزوا 22 سنة يعني صغيرين
ما توقفيش حياتك على الجواز مهم وكل حاجة بس لو وقفتي حياتك على الجواز هتتعبي جامد عيشي حياتك واعملي اللي بتحبيه وانبسطي ونصيبك هيجيلك لغاية عندك بس كله بأوانه