دم الفراخ بعد السوا
لقيت باقي دم في الفراخ المحيشة بعد انتهاء السوا
سؤالى ليه الفراخ بعد ما جبتها وغسلتها وعملت لها تتبيلة وحشتها رز بعد ما طلعتها من الفرن بعد السوا لقيت وأنا بقطعها فيها بواقي دم لسه عند أماكن العظم تحديدا الفراخ فيها دم والأماكن دي أنا خفت أصلا تتهري مني هي كانت فرخة من الفراخ البيضا مش البلدي
رنا
مناقشات أخرى
أضيفي مناقشة جديدة
أهم حاجه محلول النقع 3كوب ماء نص وكوب الأربع ملح وربع كوب سكر والفراخ هتبقى طريه ومفيهاش دم وطعمها ولااروع
لو الفراخ اتسلقت وفية دم ومش محشية ارمية ولا لا
مش تبقي تحشيها جامد وسيبي فراغات وفتحات تدخل منها الشوربة على نار هادية
هاتي فرخة متوسطة الحجم مش كبيرة ومش صغيرة
ممكن تحطي فيها الرز والحشو بعد ما تسويه نص سوا
الأفضل تتفضل الفراخ في التتبيلة يوم كامل على الأقل ويكون في التتبيلة ليمون وخل
كمان ممكن تعملي الفراخ المحشية في الكيس الحراري مش في الفرن بتستوي كويس بس اتبعي التعليميات اللي على الكيس
اكيد كنتي معلية النار عليها
تبقي لسه نية ومحتاجة سوا كمان
واعتقد انك حشيتيها اوى وقفلتيها جامد من تحت فالشوربة مدخلتش جوة كويس عشان كده القلب لسه فيه دم ونيي
اولا احسن فراخ للحشو هى البلدي والحمرا .. لكن البيضا بتتهري بسرعة وجلدها بيتقطع وقلبها بيبقي لسه مستواش
كمان لما تحبي تحشي فراخ خليكي فى السليم وسوي الرز نص سوا من على البوتجاز الاول وبعدين احشي بيه الفراخ
كده تضمنى انه يطلع مستوى كويس وكمان الجلد بتاع الفرخة ميفرقعش منك فى السوي ويتقطع ويطلع منه الرز