خدمة اهل الزوج
هل أنتم مع فكرة خدمة اهل الزوج ولا مع رفضها تماما ؟
عاوزه اسالكم عن حاجه مهمه هل انتم مع فكره خدمة اهل الزوج أنا داخلة في ال28 .. بابا وماما منفصلين وبشتغل رغم انى عايشة مع بابا ومراته واخواتى،.. اتخطبت ومحصلش نصيب انا دلوقتى متقدملى واحد عنده 33 سنة محترم ومتدين جدا بس مشكلته انه من قرية ارياف، وانا من مدينة .. عنده شرط انى ما اشتغلش بعد الجواز، انا قلت موافقة لانه طالما هيكفينى هبهدل نفسى فى شغل ليه وانا ياما اشتغلت وعملت اللى نفسى فيه إترجانى اوافق اعيش معاه فى بيتهم فى الارياف لكن دلوقتى هو بيطلب منى انى اخدم باباه واخوه، يعنى اكون مسؤلة عن اكلهم وشربهم وغسيلهم .. انا مش عارفة اعمل اية …. هل اوافق عشان اتجوز و استقر واكون أسرة انصحوني
احلام انثى
مناقشات أخرى
أضيفي مناقشة جديدة
استخيري وشوفي وربنا يقدر لك الخير يارب
الموضوع هيرجع لك انتي هل هتقدري تتكيفي علي عيشه الارياف وانتي من مدينه ولو حته مسؤله عن ابوه واخوه كدا كدا الاكل والشرب مش حكايه
مش عارفة بس حاسة العيوب أكتر من المميزات وما اعتقدتش انك تقدري تتأقلمي على الأرياف
خاصة انك عايشة في مدينة
الموضوع مش سهل
وكمان موضوع الخدمة دا هيكون مرهق قوي عليكي مش عارفة هل متاح يجيب شغالة تساعدك ولا لاء
بس فكري اكتر من كدا لأن الموضوع صعب ومحتاج تتأني
وفيه ارهاق وتعب عليكي اكتر من انك ترتاحي ربنا معاكي