ام خطيبي بتكرهني!

انا محتاره وتعبانه ومش بنام من كتر التفكير .. دلوقتي انا مخطوبه من سنتين ونص شوفت فيهم المرار من  امه  بتكرهني جدا وانا معرفش ليه و متعرفش ربنا وبتسب الدين وتقول الفاظ وحشه ولما فكرت تعمل معايا كدا انا عملت مشكله لاني مقبلتش ع اهلي ولا نفسي التهزيق حتي لو بهزار ومن ساعتها بدات الكراهيه و فضحاني عندها ف كل حته وماشيه تقول عليا كلام وحش وتتبلي عليا وهو كان واقف قصادهم لانه فعلا مشفش مننا حاجه وحشه وكان يجي هو يعتذر مكان اهله ع افعالهم كنت بقول حرام اسيبه بسبب اهله هو مالهوش ذنب وعملت مشكله  وقالت انا مش عاوزه اجوزه دلوقتي سنتين كمان فوق السنتين دول ع اساس اننا هنرفض بس احنا وافقنا عشان احنا ظروفنا وحشه وقولنا الحمد الله جت من عند ربنا وهي شاطت لما عرفت اننا وافقناورجعت قالت ولا سنتين ولا عشره خليهم لحد مايزهقوا بعد السنتين دول ونقول 2 كمان  المهم دلوقتي الموضوع باظ خالص وامه قالت يا انا يا هي وانا معملتلهاش حاجه والله بالعكس كنت مكلماها انا وامي معيدين عليها ومفيش مشكله وهي مش بتسال علينا ولا مناسبات ولا مرض ولا عزا ولا اي حاجه وهي المتحكمه ف كل حاجه لما جابت الشقه كتبتها ب اسمها ودلوقتي هي هتبيعها ومش هتجوزه خلاص وهو قالي خلاص هتجوزك من وراهم ونقعد ف ايجار حديث ونجيب الحاجه واحده واحده ع مهلنا بس الحاجه دي هتاخد وقت وغير كدا قالي مفيش فرح ولا اي حاجه ومش هيبات معايا ممكن يجي مره ف الاسبوع او مرتين عشان امه متعرفش حاجه وانا محتاره ومش عارفه اخد قرار وتعبانه اوي معلش ان كنت طولت عليكوا بس بجد تعبت من التفكير اعمل ايه ؟

مريم

guest
أدخلي إيميلك إذا أردتِ تلقي تنبيهات
6 تعليقات
Inline Feedbacks
View all comments
ياسمين
ياسمين

هتتعبي جدا يا بنت الناس خصوصا لو اتجوزتوا امه مش هتسيبك في حالك ومتقوليش هتتغير بالعكس ده ممكن هو اللي يتغير وتبقي خسرتي كل حاجه
انا من رايي سيبيه وربنا بيعوض
بدل متسيبيه وانتي معاكي عيل ولا اتنين
اختاري اهل جوزك كويس بنفس الحرص اللي بتختاري بيه جوزك لانهم لو وحشين انتي اللي هتتعبي

خديجه
خديجه

انقذي نفسك اللي زي دي حتخرب عليكي … وتتحوزي ليه في السر ده مش صح خالص ربنا يرزقك بشخص يصونك

hager
hager

انت مستنيه اي بعد كل ده يعني ربنا فاضحهملك وباين انهم لبط وهمجيين وبردوا مستنياه هو لو عاوز يتجوز مش هيستنى قرشين من امه ولا هيقولك نتجوز واجيلك يوم او يومين في حاجه اسمها انا راجل هتجوزها وقدام الكل بس مش زي الحراميه طيب ولو امه عرفت وقلتله طلقها هيعمل ايه هقولك انا هيطلقك وهتترمي وهو مخسرش ولا اي حاجه الحب مش كده ومتخسريش نفسك عشانه محدش يستاهل ومعمله امه زفت ومش هترضى عليكي فابعدي لانك انت واهلك مش قدهم وهو مش اخر دكر على الكوكب

nourhan
nourhan

نصيحة مني يا بنتي سبيه عشان حتي لو هما وحشين دي امه و في الاخر هيقلب عليكي بسبب الضغط الي عملوا فيه ،، سبيه و سيبك منهم كلهم انتي مش مجبرة تعيشي مع ناس رافضينك بكرة يجيلك واحد اهله يبوسوا رأسك عشان انتي مرات ابنهم و يقدروكي ،،، فكك و الله و اسمعي مني المرار دة جربته انتي مش هتكسبي اي حاجة انتي كدة هتخسري كرامتك ،، و قوليله انكوا مش بتسرقوا و لا بتعملوا حاجة حرام عشان يجوزك من ورا اهله ،، طز في ام دي جوازة ،، دي هتبقا جنازة كدة و الله ،، مترخصيش نفسك اسمعي مني

زهراء
زهراء

انتى مش ناقصك حاجه علشان ترضى بجوازه زى دى
اشترى نفسك وفركشى انتى كمان مش هتتجوزيه لوحده انت لازم تختارى كويس أهل اولادك

اميرة
اميرة

يا بنتي فكك من العك دا كله لو كملتي معاه مسيرك للطلاق فسيبيه دلوقت احسن وسيبيه ل امه تجوزو تطلقه هما حورين في بعض وانتي شوفي مصلحتك بعيد عنهم وربنا يرزقك بالانظف واحسن منهم ان شاء الله

أضيفي مناقشة جديدة

    6
    0
    شاركي بتعليق جديد على هذه المناقشةx
    ()
    x