العفش الجاهز ولا العمولة احسن بناء على خبرات المتجوزين

انا جايبه جاهز من قباني حاجه كده عالميه تقفيل وصناعه الماني وحاجه الله اكبر يعني .. بس طبعا غالي جدا عن ما هتجبيه خشب ابيض وتشطبي

العموله مفيش احسن منه

لو ف ناس و اثقه فيهم ان شغلهم نضيف يبقى عموله انا دخلت معرض شوفت فيه اوضه نوم 55 الف و كانت قربتى عامله عموله زيها بالظبط ب28 الف فا فى فرق سعر رهيب بردو ف ناس جابو جاهز من معرض مشهور هنا ف دمياط و لما روحو البيت و استلمو اتصدموا من منظر الحاجه ف اعملى عموله احسن والله هو تعب شويه بس ف الاخر احسن ليكى انتى اللي بتجهزي و بتدفعى ????

الجاهز بس من مكان مضمون
عشان تبقي الحاجه قدامك عينك وشيفاها والوانها زي مشيفاها العموله هتتدبسي فالتشطيب ونادر لو حد شطب نضيف او مضفش ابداعت من عانده تبوظ الحاجه

عن تجربه العموله بس اتأكدي انه حد كويس ويطلع نفس الشغل لان السفره والانتريه والصالون الاحسن جاهز

الجاهز احلى بس لازم تاخدى نجار كويس علشان يجيب حاجه نضيفه ويعرف يتعامل مع المعارض

تجربه العموله احسن مليون مره بتشوفي الخشب بعينك وبتختاري ال يناسب الوانك يعني بتختاري خامه من الاول للاخر الجاهز شكل بس ومبيتحملش

الجاهز احسن العموله ممكن يلبخو وهتبقي اتدبستي

العموله في الخامه أما الجاهز شكل

اعملي عمولة علشان يكون علي قد المساحة اللي عندك

العموله طبعا بس عند واحد ثقه جداااااااااا وفاهم وذوقه يكون حلو عشان ممكن يجود من عنده ويقرفك

اعملي عموله ف دمياط بس يكون حد انتي عارفاه هيبقي احلي كتير

بصي العموله احلي واحسن بكتير من الجاهز لان الجاهز انتي مش شايفه الخشب عامل ازاي
انا كنت عامله العفش بتاعي عند العسال ال عند المحافظه هو غالي 3 شويات ????بس بصراحه الحقيقه زي الصور ال كنت مختارها والفنش تحفه كل حاجه ف العفش ماشاء الله جميله جدا ‘بس المهم انتي تتابعي معاه وبتروحي تختاري الالوان والوان القماش وكل حاجه هو مش بيعمل حاجه بمزاجه. يعني متروحيش تعملي عند نجار مش معروف وتقولي ان هو مطلعليش العفش حلو روحي لناس ليها اسمها وبتشوفي شغلهم ف المعرض. فالعموله هيعيش معاكي طبعا

عموله افضل
وجاهز لو مكان موثوق فيه

العموله احسن واضمن

الجاهز تحفه ف أشكاله وممكن تاخدي معاكي نجار لو قلقانه من الخشب

الجاهز شكلا حلو وال انتى بتختاريه بيجيلك بس خامة زى الزفت ..العمولة خامة حلوة و٧٠% مش بيطلع الشكل ال انتى عوزاه فلو هتعملى عمولة اختارى نجار شاااطر ويكون حد ثقة مجربه قبل كدا

الجاهز العموله دي بيبان بلدي وزوق والوانه مش بتكون حلوه

هاتي جاهز وكبري دماغك

الجاهز احسن بس يكون من مكان مضمون ولازم تاخدى حد معاكى يكون بيفهم فى الكلام دا يعنى مثلا تاخدى نجار تكونى واثقه فيه????????

العموله
الجاهز ده قش منظر ع الفاضي

عموله والله العظيم العموله احلي بكتير صدقيني الألوان بتتغير والحاجات بتخرب بسرعه

الجاهز بس خدي نجار امين وروحي معارض محترمه