الشخصية النرجسية وكيفية التعامل معها

الحب ده بيتلقب لعنه بعد الجواز
هتبقي مالكيش شخصيه عشان فرحك هيبقي بايده وهو شخصيه نرجسيه
اعملي استخاره واسالي حد فاهم

لو زى ما انتى بتحكى كده ..حرام عليكى نفسك والله يعنى احنا بنتزوج عشان نبنى بيوت سويه مليانه سكينه ورضا وكل طرف فيا متعادل الاتنين بينهم رحمه وحب وتغافل …اوعى توقعى نفسك يا بنت الناس فى المستنقع ده ابدا …خدى اللين السهل المعطاء انتى لسه خطوبه قلبك اللى بتقولى مش قادر ده بعد كده مش هيحس اصلا متحرميش نفسك من المشاعر الحلوه ابدا

كويس انك عارفه شخصيته كويس،
بس لازم تعرفي كمان ان الشخصية النرجسية ملهاش علاج يعنى مستحيل تقدرى تغيريه أو تقنعيه بشئ غير اللى فى دماغه ، مأساه التعامل مع الشخصية دى مش بس خلافات ومشاكل وتوتر طول الوقت كمان بيأثر على الطرف التانى بشكل كبير جدا وبينعكس سلبآ على شخصيتك ونفسيتك بعدين قد تصل إلى الجنون..
الحل الوحيد معاها هو الانفصال ، انهى العلاقه قبل ما تبدى واكيد اكيد الخساير هتكون أقل من بعد كده
إنفدى بجلدك يا بنتى

انت هتكرهيه من اول يوم زواج
لانه طباعه هتكون اشد
ليه تذلي نفسك.ويعني ايه ينتقد اهلك وانت عادي
امال بعد كده هيعمل ايه
ولو عالحب كله بيتنسي وفتره وبتعدي
بس ما دام قرار بالعقل عمرك ما هتندمي بالعكس انت هتفرحي انك سبتيه

انا جايالك من المستقبل وبقولك انتى مش هتتعبى بس لا انتى ممكن تتجننى حرفيا وانك لو فنيتى روحك عشانه وعشان بتحبيه مش هيعجبه وهيفضل متعطش لتضحيتك طول العمر لحد ما تنزلى تحت التراب وبردو مش هيطمر فيه وهيدور على ضحيه غيرك يمارس عليها نرجسيته
استخيرى واتركيه
اسأل الله ان يراضيكى بالخير

هتكرهيه وتكرهي اليوم اللي رضيتي انك تكملي حياتك وهو كده لانه هيشكك في نفسك ويمحي شخصيتك ويقلل ثقتك في نفسك

افلتى بجلدك الحب هيروح بمجرد ماتحسي ان انتى بتدي وووبس والحياه مش كده وهتتاذى منه جامد
اسأل مجرب????
اتقي الله ف نفسك بجد وسيبيه ويرزقك ربنا بالأفضل منه بكتتتير

اجري بجد الحب حيتقلب كره شديد تسيبيه دلوقتي احسن ما تسيبيه بطفلين معقدين ونفسيه محطمه

أنت مبتحبيش حد دا وهم الخطوبة بيروح تأثيره بعد الجواز ياعمري حيث اللامحن وتحمل الخازوق بكل أشكاله ????

لو فضلتي مكملة هتكرهيه جدا وهتكرهي نفسك معاه اخلعي وأنهى العلاقة دي دي علاقة سامة وبتموت صاحبها بالبطيء

حبيبتي دا شخصيه مؤذيه الشخصيات اللي من النوع ده متعبين جدا ولو الحياه كملت معاه ممكن تتحولي لمريضه نفسيا ، مريضه أو تكوني مطلقه
اولا دا مفهوش حاجه كويسه تمام والحياه بعد الجواز غير خالص وهو متعب من الخطوبه اصلا فبالله عليكي افصلي عنه وسبيه حتى لو باقي على جوازك يوم انجدي بنفسك

لو اطول اشوفك وابوس ايدك ورجلك علشان ماتكمليش اعملها لاني اتلسعت بخداع مش ممكن ان تتخيليه تعليق مرضي فعلا وبعد مايتمكن منك وتتجوزي اقسم لك ماهتشوفي رحمه هتبقي انتي وكل الي حوليكي بتكلموا نفسكم هو بيعمل كده ليه ده غير هتعيشي معاه بتجلدي ذاتك لان عندهم مهارة قلب التربيزه وغالبا بيبقوا الاهل نفس القصه فتخيلي كم الالم النفسي والحمد لله معايا طفل وكنت مخطوبه 8سنين كان بيحصل فيهم المستحيل علشان يكسبني لدرجه لا تتخيليها و لما شفت مشكلتك حسيت اني عاوزه اعيط واجي اخدك في حضني واقولك والله ربنا هيعوضك ويراضيكي بس هتعرفي تبعدي واحمدي ربنا انك عرفتي وانتي مخطوبه ديه رحمه ربنا ليكي لان للاسف النوعيه ديه مابتتعرفش الا بعد الجواز الحمد لله

اهربي و عودي نفسك متشحتيش اهتمام من حد

ولسة بتسالي اتعامل ازاي.. اهربي طبعا الحياة صعبة ما يكفي عاوزين اللي يهون علينا مش يكرهك ف نفسك ويمرضك

اقرأي كتاب أحببت وغدا لعماد رشاد
بيتكلم عن الراجل النرجسي وإزاي تقدري تتخلصي منه
و هيفتح عينك على قدام اكتر مع انه اللي قلتيه لا يبشر خالص

لو انتي شخصيه ساديه ويتحبي التعذيب وبتتلذذي بيه كملي معاه هتبقوا زي الفل إن شاء الله

اوعي اوعي هتدخلي العلاقه وهاتضطري تتطلقي وهاتبقي كارهاه وكارهه نفسك وكارهه خلق الله وتتعبي علي لما ترجعي لطبيعتك النرجسي شخص مخادع اوعي تكملي الحب مش بيقوم بيت لوحده وبيروح بالذات مع النرجسي عشان اناني ومؤذي

اهربى انتي لسة على البر وتقدري تسعدي نفسك لكن لو استمريتى حياتك ونفسيتك حتدمر اكتر مانتي مدمرة دلوقتي الحب بيروح وحيتقلب لكره حتتعبي جدا في الأول عشان حياتك حتفضى فجأة وخصوصا انك بتحبيه بس لما تبعدي وترتاح نفسيتك وتهدي وتبصيله بعقلك حتقولي هو انا كنت عاملة في نفسي كده ليه وحتحمدي ربنا كل يوم أنه نجدك منه وحيكرمك إن شاءالله باللي يصونك ويقدرك ومش تسمعي لنفسك اسمعي لناس تثقي فيهم وفي رأيهم دائما اللي بعيد عن الموضوع بيفكر تفكير عقلاني ومش بيلاقي مبررات عشان الموضوع يكمل وخلاص زيك معلش الانسان مش بيتعلم ببلاش لازم تجربي وتتعبى عشان تعرفي تحكمي وتاخدي قرارات بس المهم تتعلمي من التجربة ومتهنيش نفسك لمخلوق واللي يهينك ويذلك مايستهلكيش ولا ينفع يفتح بيت ويربي اولادك اختاري قدوة اولادك قبل مايكون زوجك

بجد اهربى انا والله مقراتش غير شخصيه نرجسيه
وبقولك اخلعى بدل ما تبقى مريضه نفسيه ويجننك
الحياه حتبقى مرار معاه
ابعدى والله ربنا حيعوضك عنه خير

اهربي اهربي اهربي
وجع ساعة ولا كل ساعة ، هتعضي صوابعك من الندم لو اتجوزتي واحمدي ربنا انك ع البر ، بالله عليكي ما تكملي مع نرجسي دول شياطين الانس حرفيا …

ألم الانفصال بسبب إنه خلاكي مدمنة عليه في مرحلة الجاذبية اول الخطوبة … اسمعي لسحر النادي واقري كتير علشان تحمدي ربنا إنه كشفهولك بدري ..

اخلعي بجده ولو بتحبيه هتتعبي شويه من بعد أو ف بعده إنما هترتاحي باقي عمرك لكن هتريحي نفسك الوقتى هتتعبي جدا وهيتوصل الأمر في يوم انه هيحبسك وهيضربك وهيتسلط عليكى ويوهمك أنك مريضة وتتصرفي بدون وعي وف الآخر هيبعدك عن كل البشر ومش هيسمع لحد ابدا ابدا

النرجسي يعني بيكون انسان اناني جدااا مش مهتم ولا بيفكر غير في نفسه وبس وبيبقي عايز الكون كله يتمحور حولينه بس وعمره مبيشوف نفسه غلطان ابدااا مع ان فطرة الانسان العادي انه بيخطأ ويعتذر لكن الشخصية دي لا بتعتذر ابدا وكمان بتركبك انتي الغلط وبيوصل بيه الجبروت انه بيبقي عايز منك اعتذار كمان ????????????
بس طبعا مش كل الشخصيات النرجسية شبه بعض بيبقي في تفاوت بينهم

انتى مقولتيش حاجه عدلة فيه يبقي تكملى ليه اخرتها وحشة ي بنتى بلاش

بكره يديكي العلقه التمام لو اتجوزتيه
لسه قارية جريمة والله عن واحد نرجسي قتل مراته من التلذذ بالتعذيب ????????

سبيه لأن وجع دلوقتى ارحم بكتير
من وجع بعدين
سواء كنتى ام وهتعيشى عشان اولادك ولا مش عارفة تنفصلى لانه دمر ثقتك بنفسك واقنعك انك مش هتعرفى تستقلى من غيره

طالما ربنا مبين لك شخصيته أحمدى ربنا

فى ناس مش بتكتشف ده غير بعد الزواج

وانتحرت حالة قرأتها قريب

بلاش ترمى نفسك فى التهلكه