الحمل خارج الرحم

 الموضوع مهم جدا و لو مكتشفتيهوش بدري له اضرار وحشه جداا وممكن لاقدر الله يؤدي للوفاه لازم علي نص الشهر التاني تعملي سونار وتطمني ان رحمك جواه كيس حمل ،لكن اذا مكنش فيه كيس حمل جوه الرحم يبقي انتي حامل خارج الرحم وبيحصل في احد قنوات فالوب الدارج عندنا اننا بنقول حامل في الانابيب .
طب ايه هي الانابيب دي او ايه هي قنوات فالوب دي ،دي حلقه وصل ما بين المبيض والرحم دي اللي بيقي جواها البويضه وبيقابلها الحيوان المنوي داخلها ويخصبها جوا الانبوبه دي ويعيش الجنين ده في الانبوبه دي خمس ايام وبعد كده الانبوبه دي جواها اهداب تفضل تحرك في الجنين ده لحد ما تسقطه داخل الرحم .

-اعراضه :
1_وجع ناحيه المبيض اليمين وجع صعب جداااا

2_نزول دم نقط كده .. بعد كده بكام يوم بقي دم زي البيريود

3_لو الدكتور مكتشفشبعد كل دا بيحصل وجع جامد جدااا متعب فوق الوصف مغص حاد في الرحم جدااا دوخه وزغلله في العين لحد و هبوط حاد في الدوره الدمويه

4_وجع حاد في الاكتاف واغماء بصفه مستمره بسبب الهبوط بتاع الدوره الدمويه

5- نزيف داخلي حاد كان قرب يوصل للحجاب الحاجز انتم متخيلين ودا خلاص اصعب مرحلة

الدكتور مفيش قدامه خيار غير انه يفتح البطن بعمليه سيزرين (قيصري) عشان ينضف  من النزيف الداخلي ..
طب ليه حصل نزيف داخلي ??
عشان للاسف الانبوبه انفجرت بسبب ان الجنين بيكبر في مكان مش مكانه ولان طبعا الانبوبه دي بتبقي رفيعه جدا مستحملتش وانفجرت .

طيب ايه الأسباب ان الانبوبه ممكن يحصل فيها حمل خارج الرحم :
1_ممكن تكون الأنبوبة جواها التصاقات والاهداب اللي جواه معرفتش تنزل الجنين جوه الرحم

2_ممكن تكون فيها عيب خلقي انها تكون طويله او قصيره عن الطبيعي

3_التصاقات حواليها متعرفش تتحرك حركتها الطبيعيه بحيث انها تعرف تنزل الحنين جوا الرحم

ربنا يحفظكم من كل سوء ..